Jain Aagam Acharanga - Book 1 Chapter 1 Lesson 6 Sutra 4
Aagam Sutra
Original
एत्थ सत्थं समारंभमाणस्स इच्चेते आरंभा अपरिण्णाया भवंति । एत्थ सत्थं असमारंभमाणस्स इच्चेते आरंभा परिण्णाया भवंति ।
तं परिण्णाय मेहावी णेव सयं तसकायसत्थं समारंभेज्जा, णेवऽण्णेहिं तसकायसत्थं समारंभावेज्जा, तसकायसत्थं समारंभंते वि अण्णे ण समणुजाणेज्जा ।
जस्सेते तसकायसत्थसमारंभा परिण्णाया भवंति । से हु मुणी परिण्णायकम्मे ।
त्ति बेमि ।
Transliteration
ettha satthaṃ samāraṃbhamāṇassa iccete āraṃbhā apariṇṇāyā bhavaṃti । ettha satthaṃ asamāraṃbhamāṇassa iccete āraṃbhā pariṇṇāyā bhavaṃti ।
taṃ pariṇṇāya mehāvī ṇeva sayaṃ tasakāyasatthaṃ samāraṃbhejjā, ṇeva'ṇṇehiṃ tasakāyasatthaṃ samāraṃbhāvejjā, tasakāyasatthaṃ samāraṃbhaṃte vi aṇṇe ṇa samaṇujāṇejjā ।
jassete tasakāyasatthasamāraṃbhā pariṇṇāyā bhavaṃti । se hu muṇī pariṇṇāyakamme ।
tti bemi ।